Gemeenschappelijke meldkamer
Komunikado di Prensa:

Djamars mainta e sentral di Fundashon di Kuido di Ambulans (FKA) a muda pa e Gemeenschappelijke Meldkamer na Rio Canario.
Pa vários aña FKA i KPC a traha konhuntamente pa realisá e mudansa menshoná kaminda e meta final ta un mihó kolaborashon entre e diferente instansia nan aki.
Djaluna sr. Alvin Daal (Presidente di FKA) i sr. i Mauricio Sambo (Prinsipal di Polis) a firma e protokòl pa e Gemeenschappelijke Meldkamer.

Dor di e inovashon aki ámbos sentral esta di KPC I FKA na un lokalidat por traha konhuntamente mas efisiente i efikas asina tuma akshon mas rápido na por ehèmpel kalamidat I aksidente nan grave ku ta rekerí asistensia rapido.
E kambio aki a trese èkstra seguridat pa e personal di Meldkamber ku ta laborá di dia I anochi kompará ku e meldkamer anterior di FKA.